మైక్రోమాక్స్ ఈజ్ బ్యాక్

చాలా రోజుల త‌రువాత దేశీయ కంపెనీ నుంచి కొత్త ఫోన్లు

ఒకప్పుడు భారతదేశంలో అగ్రశ్రేణి స్మార్ట్‌ఫోన్ బ్రాండ్‌గా ఓ వెలుగు వెలిగిన‌ మైక్రోమాక్స్..  ప్ర‌స్తుత మార్కెట్‌లో చైనా బ్రాండ్ల ధాటికి దాదాపుగా తెర‌మ‌రుగైంది. అయితే  చైనా సరిహద్దులో ఉద్రిక్తతల నేప‌థ్యంలో ఇప్పుడు స‌గ‌టు భార‌తీయుల దృష్టి స్వ‌దేశీ కంపెనీల‌పై ప‌డింది. దేశీయ కంపెనీ మైక్రోమాక్స్  కూడా త‌న సంస్థ నుంచి Micromax In  పేరుతో స‌బ్‌బ్రాండ్‌ను తీసుకొచ్చేందుకు రంగం సిద్ధం చేసుకుంటోంది. పునరుత్థానంలో భాగంగా, మైక్రోమాక్స్ భారతీయుల కోసం "గ్రౌండ్-అప్" నుంచి కొత్త ఉత్పత్తులను ఉత్ప‌త్తి చేయ‌డానికి రూ. 500 కోట్లు పెట్టుబడి పెట్టాలని యోచిస్తోంది. అయితే ఈ కొత్త బ్రాండ్ కు సంబంధించిన పూర్తి  వివరాలు ప్ర‌స్తుతం అందుబాటులో లేవు, కానీ మైక్రోమాక్స్ ఫోన్ గీక్బెంచ్ వెబ్‌సైట్‌లో చూపించింది.

Micromax.. IN..

మైక్రోమాక్స్ నుంచి  కొత్త ఇన్ బ్రాండ్ క్రింద మొదటి స్మార్ట్‌ఫోన్‌ను తీసుకొస్తున్న‌ట్లు తెలుస్తోంది.  దీని గీక్బెంచ్ సైట్ ప్ర‌కారం..ఈ ఫోన్‌ మీడియాటెక్ హెలియో పి 35 ప్రాసెసర్, 4 జిబి ర్యామ్‌ను వినియోగిస్తున్న‌ట్లు క‌నిపించింది. ఇది ఆండ్రాయిడ్ 10తో న‌డుస్తుంది. కెమెరా స్పెసిఫికేష‌న్‌, ఇతర వివరాలు ప్రస్తుతానికి తెలియవు. గీక్ బేంచ్ వెబ్‌సైట్‌లో Micromax In 1a  మోడ‌ల్ సింగిల్ కోర్ స్కోర్ 907, మ‌ల్టీ కోర్ స్కోర్ 4357

మునుపటి నివేదిక మైక్రోమాక్స్ రాబోయే స్మార్ట్‌ఫోన్‌కు రూ .10,000 లోపు  ధ‌ర నిర్ణ‌యించ‌నున్న‌ట్లు స‌మ‌చారం. దీని అర్థం మనం మైక్రోమాక్స్ నుంచి బడ్జెట్ - లేదా ఎంట్రీ లెవల్ - స్మార్ట్‌ఫోన్ ఆశించ‌వ‌చ్చు. ధర మైక్రోమాక్స్ యొక్క మునుపటి స్మార్ట్‌ఫోన్ పోర్ట్‌ఫోలియోకు అనుగుణంగా ఉంటుంది.

కొత్త స‌బ్ బ్రాండ్ గురించి మైక్రోమాక్స్ సహ వ్యవస్థాపకుడు రాహుల్ శర్మ మాట్లాడుతూ “మా సబ్ బ్రాండ్‘ ఇన్ ’తో ఇండియా మార్కెట్లో తిరిగి రావడం మాకు చాలా ఆనందంగా ఉంది. మీకు ఇండియా అనే పదం లేదా మీపై ‘ఇన్’ ఉన్నప్పుడు, అది మీకు బాధ్యతా భావాన్ని ఇస్తుంది. ఒక బిలియన్ ఆశల బరువు. కానీ అన్నింటికన్నా పెద్దది.. అది ఇచ్చే ఆత్మ‌విశ్వాసం.  గ్లోబల్ స్మార్ట్‌ఫోన్ మ్యాప్‌లో భారతదేశాన్ని మళ్లీ 'ఇన్' మొబైల్‌లతో తీసుకురావడం మా ప్రయత్నం. ” అని పేర్కొన్నారు. 

మ‌న భారతదేశ స్మార్ట్‌ఫోన్ మార్కెట్లో మైక్రోమాక్స్ బ్రాండ్ పునరాగ‌మ‌నం గురించిన వీడియోను కూడా రాహుల్‌షర్మ్ విడుదల చేశారు. రాబోయే మైక్రోమాక్స్ ఫోన్లు చైనీస్ బ్రాండ్లను ఇండియా నుంచి తరిమికొట్టాల‌ని ఆశిద్దాం..