స‌రికొత్త రూపులో స్వ‌దేశీ స్మార్ట్ ఫోన్‌

రేపే మైక్రోమాక్స్ ఇన్ మొబైల్ ఫోన్లు  విడుద‌ల‌

చాలా రోజుల త‌ర్వాత  విప‌ణిలోకి స్వ‌దేశీ బ్రాండ్ మైక్రోమాక్స్ త‌న స‌బ్‌బ్రాండ్ ఇన్ పేరుతో స్మార్ట్ ఫోన్ విడుదల చేయ‌నుంది. మైక్రోమాక్స్ తన సరికొత్త ఇన్ సిరీస్‌ను విడుద‌ల చేయ‌నున్న‌ట్లు కొద్దిరోజుల క్రిత‌మే ప్ర‌క‌టించింది. టెక్ వెబ్‌సైట్ల‌లో మైక్రోమాక్స్ స‌హ వ్య‌వ‌స్థాప‌కుడు రాహుల్ శ‌ర్మ ఇన్ సిరీస్‌పై ఇప్ప‌టికే ప్ర‌క‌టించారు. ప్ర‌ఖ్యాత యూట్యూబర్ టెక్నికల్ గురూజీతో కలిసి రేపు విడుద‌ల కాబోయే మైక్రోమాక్స్ ఇన్ మొబైల్‌ను ప్రదర్శించారు. మైక్రోమాక్స్ ఇన్ 1ఎ ఆకుపచ్చ మరియు తెలుపు రంగులలో వస్తుందని వెల్లడించారు.

Micromax In 

మైక్రోమాక్స్ ఇన్ 1ఎ యొక్క పూర్తి డిజైన్‌ను యూట్యూబ్ వీడియో వెల్లడించింది. దాని రూపాన్ని బట్టి, ఇన్ 1A హానర్ 9ఎక్స్, రియ‌ల్‌మీ నార్జో 20 ప్రో డిజైన్ల పోలిన‌ట్లు క‌నిపిస్తోంది.  వెనుక ప్యానెల్ ఆక‌ట్టుకునేలా మెరిసే డిజైన్ కలిగి ఉంది, బాణాలు మధ్యలో కలుస్తాయి. ఈ స్మార్ట్‌ఫోన్ గ్రీన్ అండ్ వైట్ కలర్ల‌లో అందుబాటులో ఉండ‌నున్నాయి.ముందు వైపు పంచ్ హోల్ డిస్ప్లే ఉన్న‌ట్లు తెలుస్తోంది. తక్కువ ధ‌ర‌లో ల‌భించే ఈ మోడ‌ల్‌లో పంచ్‌హోల్ డిస్ప్లేను అందించ‌డం శుభ‌ప‌రిణామం.  

MediaTek Helio G35, MediaTek Helio G85 chipset.

కొత్త ఇన్-సిరీస్ ఫోన్‌లలో మీడియాటెక్ చిప్‌సెట్‌లు ఉంటాయని రాహుల్‌ శర్మ ధ్రువీకరించారు. వాటిలో ఒకటి మీడియాటెక్ హెలియో జి 35 చిప్‌సెట్  కాగా మ‌రొక‌టి మీడియా టెక్ హీలియో జీ85. ఈ హీలియో జీ35 రియల్‌మే సి-సిరీస్ స్మార్ట్‌ఫోన్‌లలో వినియోగించారు. ఇక‌ మీడియాటెక్ హెలియో జి 85 చిప్‌సెట్‌తో  గ‌తంలో రెడ్‌మీ నోట్ 9, రియ‌ల్‌మీ నార్జో 20 మోడ‌ల్‌లో వినియోగించారు. 

స్టోరేజ్ ఆప్షన్ ప్రకారం మైక్రోమాక్స్ రెండు వేర్వేరు సెట్ స్పెసిఫికేషన్లను విడుదల చేస్తుందని వార్త‌లు వ‌స్తున్నాయి. మైక్రోమాక్స్ ఇన్ 1A లో మీరు కనీసం 128GB అంతర్గత నిల్వను ఆశించవచ్చు. ర్యామ్ 2 జీబీ నుంచి ప్రారంభమవుతాయని తెలుస్తోంది. స్మార్ట్ఫోన్లు వేర్వేరు కెమెరాలతో రానున్నాయి. మైక్రోమాక్స్ ఇన్ 1A వెనుక 48MP ప్రధాన కెమెరాను కలిగి ఉంటుంది. వెనుక భాగంలో వేలిముద్ర సెన్సార్లు ఉంటాయి.  ఈ మోడ‌ళ్ల‌లో OLED  డిస్ల్పే వినియోగించ‌డం లేదు.  

--------------------------

• ప‌బ్జీ క‌థ కంచికి..
• చైనా మొబైల్  కంపెనీ షావోమీకి షాక్ 
• డార్క్ మోడ్‌లో ఫేస్‌బుక్‌