నోకియా 5.4 స్మార్ట్ ఫోన్ విడుద‌ల‌

స్నాప్‌డ్రాగ‌న్ 662 ప్రాసెస‌ర్‌, 48ఎంపీ కెమెరా..

ఇండియాలో నోకియా 5 సిరీస్‌లో సరికొత్తగా నోకియా 5.4 మోడ‌ల్‌ను లాంచ్ చేశారు. ఈ కొత్త నోకియా ఫోన్ క్వాడ్ రియర్ కెమెరాలు ఉంటాయి. నోకియా 3.4 మరియు నోకియా 2.4 మోడ‌ళ్ల‌లోమాదిరిగా నార్డిక్ డిజైన్‌ను కలిగి ఉంది. నోకియా 5.4 4000ఎంఏహెచ్ బ్యాట‌రీ రోజులపాటు చార్జింగ్ ఉంటుంది. ఈ స్మార్ట్‌ఫోన్‌లో పంచ్‌ హోల్ డిస్ప్లే డిజైన్ ఉంది. నోకియా 5.4 లో  6GB వరకు ర్యామ్‌, 64 ఇన్‌బిల్ట్ మెమోరీ ఉంటుంది. ఈ మోడ‌ల్‌ను ప్ర‌స్తుతం యూర‌ప్‌లో విడుద‌ల చేశారు. మ‌రికొద్ది రోజుల్లో ఇండియాలోనూ లాంఛ్ కానుంది. 

నోకియా 5.4 ధర

నోకియా బేస్ వేరియంట్ (4 జిబి ర్యామ్ + 64 జిబి స్టోరేజ్) ధరను యూరో 189 (సుమారు రూ .16,900) గా నిర్ణయించారు, అలాగే 4 జిబి ర్యామ్ + 128 జిబి స్టోరేజ్ మరియు 6 జిబి ర్యామ్ + 64 జిబి స్టోరేజ్ వేరింయంట్లు కూడా అందుబాటులో ఉంటాయి. వీటి ధ‌ర‌ల‌ను ఇంకా వెల్ల‌డించ‌లేదు. నోకియా 5.4 డస్క్ మరియు పోలార్ నైట్ కలర్ లో ల‌భిస్తుంది.  నోకియా బ్రాండ్ లైసెన్స్‌దారు హెచ్‌ఎండి గ్లోబల్ సంస్థ నోకియా 5.4 స్మార్ట్‌ఫోన్‌తో పాటు తన కొత్త ఉపకరణాలను ప్రకటించింది, ఇందులో 18W ఫాస్ట్ కార్ ఛార్జర్ మరియు 18W ఫాస్ట్ వాల్ ఛార్జర్ ఉన్నాయి. కొత్త ఫోన్‌కు నోకియా క్లియర్ కేస్ మరియు నోకియా 5.4 గ్రిప్, స్టాండ్‌ కేస్ కూడా లభిస్తాయి.

నోకియా 5.4 స్సెసిఫికేష‌న్‌..

డ్యూయల్ సిమ్ (నానో) నోకియా 5.4 ఆండ్రాయిడ్ 10 లో నడుస్తుంది అయితే త్వ‌ర‌లోనే మిగ‌తా ఫోన్ల‌కంటే నోకియా 5.4 మోడ‌ల్‌కి ఆండ్రాయిడ్‌ 11 కి అప్‌గ్రేడ్ అవుతుంది. నోకియా 6.39-అంగుళాల హెచ్‌డి + డిస్‌ప్లేను కలిగి ఉంది. ఈ ఫోన్ ఆక్టా-కోర్ క్వాల్కమ్ స్నాప్‌డ్రాగన్ 662 SoC తో పాటు 6GB వరకు ర్యామ్‌ను కలిగి ఉంది. ఫోటోలు మరియు వీడియోల కోసం, క్వాడ్ రియర్ కెమెరా సెటప్ ఉంది, ఇందులో 48 మెగాపిక్సెల్ ప్రైమ‌రీ సెన్సార్ ఉంటుంది. ఈ ఫోన్ ముందు భాగంలో 16 మెగాపిక్సెల్ సెల్ఫీ కెమెరా సెన్సార్‌తో వస్తుంది.

ఇక కనెక్టివిటీ విష‌యానికొస్తే 4జి ఎల్‌టిఇ, వై-ఫై, బ్లూటూత్, జిపిఎస్ / ఎ-జిపిఎస్, యుఎస్‌బి టైప్-సి మరియు 3.5 ఎంఎం హెడ్‌ఫోన్ జాక్ ఉన్నాయి. వెనుక భాగంలో ఫింగ‌ర్ ప్రింట్ సెన్సార్ కూడా ఉంది. అంతేకాకుండా ఈ ఫోన్లో 4,000 ఎంఏహెచ్ బ్యాటరీని వినియోగించారు.  

-------------------------------

ఫ్లిప్‌కార్ట్‌లో మ‌రో బిగ్ సేవింగ్ డేస్ సేల్స్‌