గూగుల్ ఫొటోస్ సేవ‌ల‌కు ప‌రిమితి

15జీబీ ఉచిత స్టోరేజ్ లిమిట్ దాటితే ఇక బాదుడే..

మ‌న స్మార్ట్ ఫోన్‌లోని ఫొటోలు, వీడియోల‌ను మ‌న‌కు తెలియ‌కుండానే సుర‌క్షితంగా భ‌ద్ర‌ప‌రిచే గూగుల్ ఫొటోస్ యాప్ త‌న ఉచిత సేవ‌ల‌కు ప‌రిమితి విధించ‌నుంది.  ఫోన్‌లో మీ ఫోటోలు, వీడియోల మెమోరీ 15GB కోటా మించితే ఇక చార్జీల వ‌డ్డ‌న త‌ప్ప‌నిస‌రి అవుతుంది. కొత్త మార్పు  2021 జూన్ ఒక‌టి నుండి అమల్లోకి రానుంది. త్వ‌ర‌లో గూగుల్ డ్రైవ్,  జిమెయిల్ ఇత‌ర గూగుల్ యాప్స్ క‌లిపి గూగుల్ వ‌న్ అనే ఇంటిగ్రేటెడ్ యాప్‌ను తీసుకొస్తోంది. గూగుల్ ఫోటోల కోసం ఇందులో  30 టిబి వరకు క్లౌడ్ స్టోరేజ్‌ను అందిస్తుంది. స్టోరేజ్ కోసం కొంత చార్జీతో స‌భ్య‌త్వాన్ని తీసుకోవాల్సి ఉంటుంది. అయితే ఈ గూగుల్ వ‌న్‌లో స‌భ్య‌త్వాల‌ను పెంచుకునేదుకు వ్యూహాత్మ‌కంగా గూగుల్ 15జీబీ కోటా ఆపై  ఉచిత స్టోరేజీ సౌక‌ర్యాన్ని నిలిపిస్తున్న‌ట్లు తెలుస్తోంది. ముందుగా కనీసం రెండు సంవత్సరాలుగా సైన్ ఇన్ చేయని క్రియారహిత ఖాతాల నుండి డేటాను తొలగించడానికి గూగుల్ అదనంగా ఒక విధానాన్ని తీసుకువస్తోంది.

15జీబీ లిమిట్ దాటితే అంతే..

తాజా అప్‌డేట్ ఫలితంగా  వ‌చ్చే జూన్ 1 నుంచి మీరు Google ఫోటోస్ యాప్‌లో అప్‌లోడ్ చేసిన ఏదైనా కొత్త ఫోటోలు మరియు వీడియోలు మీ Google ఖాతాలో భాగంగా ఉచిత 15GB నిల్వ పరిమితిని లెక్కించబడతాయి. స్టోరేజీ ప‌రిమితి దాటితే దానికి చార్జ్ చేయ‌నుంది  అయితే గూగుల్ పిక్సెల్ ఫోన్ వినియోగదారులకు మాత్రం ఈ సరికొత్త మార్పు వ‌ర్తించ‌దు.  జూన్ 1 తర్వాత కూడా హైక్వాలిటీ  ఫోటోలు మరియు వీడియోలను అప్‌లోడ్ చేసి నిల్వ చేసుకుంటుంది. అయితే మునుపటిలా కాకుండా వారు అపరిమిత స్టోరేజ్లో ఒరిజిన‌ల్‌ ఫైల్ పరిమాణంలో యాక్సెస్ చేయలేరు. పిక్సెల్ ఫోన్ కాకుండా ఇతర స్మార్ట్ ఫోన్ వినియోగదారులు   ‘ఒరిజినల్ క్వాలిటీ’ ఫోటోలు మరియు వీడియోలను అప్‌లోడ్ చేయడానికి 15 జీబీ స్టోరేజ్ ప‌రిమితి ఉంటుంది.  

 గూగుల్ ఫోటోస్‌కు భారీ ఆద‌ర‌ణ‌

2015 లో ప్రారంభించిన గూగుల్ ఫోటోస్ యాప్‌కు స్మార్ట్‌ఫోన్ వినియోగదారుల్లో మంచి ఆద‌ర‌ణ ల‌భించింది. ఇది అందించిన ఉచిత స్టోరేజ్ ను ఎంతో మంది స‌ద్వినియోగం చేసుకున్నారు.  గూగుల్ తన బ్లాగ్ పోస్ట్‌లో నాలుగు ట్రిలియన్లకు పైగా ఫోటోలు గూగుల్ ఫోటోలలో నిల్వ చేయబడిందని, ప్రతీ వారం 28 బిలియన్ కొత్త ఫోటోలు మరియు వీడియోలు అప్‌లోడ్ అవుతాయని పేర్కొంది.  

వినియోగదారు క‌నీస స్టోరేజ్‌ పరిమితికి చేరుకున్న తర్వాత Google ఫోటోస్ యాప్ ద్వారా కొన్ని ముంద‌స్తు  హెచ్చరికలు జారీ చేస్తుంది.  మీ నిల్వ ఎంతకాలం ఉంటుందో “personalised estimate” ఇప్పటికే Google ఫోటోల సెట్టింగ్‌ల ద్వారా అందుబాటులో ఉంది. అదేవిధంగా, జూన్ నుంచి Google ఫోటోస్ యాప్‌లో ఒక టూల్ అందుబాటులో ఉంటుంది, ఇది మీ బ్యాకప్ చేసిన ఫోటోలు మరియు వీడియోలను మేనేజ్ చేయ‌డానికి అనుమ‌తిస్తుంది. మీరు తొలగించాలనుకునే కొన్ని డార్క్ లేదా అస్పష్టమైన ఫోటోలు మరియు స్క్రీన్ షాట్‌ల‌ను ఇది చూపిస్తుంది.   "మేము ఏదైనా కంటెంట్‌ను తొలగించడానికి ప్రయత్నించే ముందు మేము మీ దృష్టికి చాలా సార్లు తీసుకొస్తాము. అందువల్ల మీకు జాగ్ర‌త్త చర్యలు తీసుకోవడానికి తగినంత అవకాశాలు ఉన్నాయి" అని గూగుల్ కంపెనీ ఒక ప్రకటనలో తెలిపింది.

--------------------------------

Also Read

 ఎయిర్‌టెల్‌కు మంచి రోజులు.. 
సాంసంగ్ నుంచి గెలాక్సీ ఏ52
ఎల్‌జీ నుంచి మ‌రో డ్యూయ‌ల్ స్క్రీన్ ఫోన్‌